Ноч музеяў-2019. Колеры музейнай палітры

Home
Без рубрики
Ноч музеяў-2019. Колеры музейнай палітры

Ноч музеяў-2019. Колеры музейнай палітры

У гэтым годзе Ноч музеяў выдалася незвычайная, і не толькі таму, што дзесятая, а гэта значыць, юбілейная. Упершыню ў рамках дадзенага мерапрыемства такая ўвага ўдзялался мастацтву: жывапісу, музыцы, кінамастацтву.

Мерапрыемства распачалося яшчэ 16 мая, калі на пленэр «Ашмяны вачыма юных мастакоў» завіталі навучэнцы Бараўлянскай дзіцячай школы мастацтваў і выхаванцы Мінскай мастацкай майстэрні жывапісу, малюнка і кампазіцыі Уладзіміра Сайко разам са сваім настаўнікам. Да пленэра далучыліся навучэнцы Ашмянскай ДШМ са сваім настаўнікам Дзмітрыем Айвазоўскім.

На наступны дзень група з Бараўлян і Мінска прадоўжыла маляваць Ашмяны.

Вынікі пленэра былі прадстаўлены на Ночы музеяў.

А ў рамках мерапрыемства адбылося ўзнагароджванне ўдзельнікаў пленэра ганаровымі граматамі.

На мерапрыемстве можна было пачуць выступленне народнага ансамбля народных інструментаў «Карусель» і народнага інструментальнага ансамбля «Хорошее настроение» Ашмянскай дзіцячай школы мастацтваў.

Працягам стала выступленне вакальна-інструментальнага ансамбля Ашмянскага дзяржаўнага аграрна-эканамічнага каледжа пад кіраўніцтва Аляксандра Абрамовіча (саліст Яўген Астрамовіч).

Эпіцэнтрам музейнай ночы стаў майстар-клас па жывапісу ад мастака-жывапісца, баталіста, члена Саюза мастакоў Расіі Уладзіміра Сайко.

Затым кожны жадаючы змог атрымаць свой уласны партрэт ад мінскага мастака.

Гукі скрыпкі ад Таццяны Чэрскай і Ірына Асмольскай выдатна дапоўнілі музейную ноч.

А 9-й гадзіне вечара распачаў працу начны кіназал пад адкрытым небам. Да увагі наведвальнікаў — прагляд мастацкага фільма «Паміж жыццём і смерцю», які здымалі ў Гальшанах і Ашмянах ў 2002 годзе.

Тым часам Белая панна ўжо была гатова прыняць наведвальнікаў начной экспазіцыі.

Яшчэ адна Ноч музеяў адбылася ў Ашмянах, пакінуўшы яркія, насычаныя мастацтвам эмоцыі.